قالو تغيب قلت خلوني اغيب

قالو تغيب وقلـت خلونـي اغيـب
اغيب واحفظ قيمتـي فـي غيابـي
اشمخ شموخ الذيب لو ماني ابذيـب
ديني سلاحـي والمـروه زهابـي
فرقاي للـي يشعلـون المشاهيـب
في منهج اهل العرف عين الصوابي
خذيت من وقتي دروس وتجاريـب
واصبحت اميز كيف اورد جوابـي
وادركت بإن البحث عن قمة الطيب
ماهوب يلزم لـه سيـوف وجنابـي
يحتاج صبر ايهذب النفـس تهذيـب
وافعال يرجا مـن وراهـا ثوابـي
يسهل على اللي يعرفون المواجيـب
اللي علو بالجـود حـد السحابـي
اللي لهم بـأرض الفقـارا مناديـب
يرجون عفـو الله بيـوم الحسابـي
اهل الوفا والعدل واهل التراحيـب
و اهل التسامـح معتقيـن الرقابـي
اليا عطـو مايحسبـون المكاسيـب
وليـا عفـو مـا يمنـون المخابـي
وانا بشر واخطي مع الوقت واصيب
و الله يوفقنـي لقـول الصـوابـي